Lamhe ko kheench taan kar lamba karne ki koshish mein hu.n... ke kuchh pal aur mil jaayein aur ye waqt zara dheema to ho...
samandar ki lehro.n ke se aate kabhi jaate rehte ho tum...
kya ho agar mutthhiyo.n mein tumhe.n bhar ke rakh lu main apne paas...
ek baat kaho magar... jab main mutthhi kholungi... kya tumko tab bhi wahi.n paungi?
ummeed bas ye karti hu.n ki sona jab ho mitti mein, aa.nkhein jab meechu.n aakhir mein,
bas jhalak bhar dikh jaaye tumhaari... so paau.n meethhi see ik neend fir main.